• العربية
  • English

الفته المصريه لايت

0

 الفته المصريه لايت

الفته دائما معروفه بدسامتها ، و لكننا حنعملها خفيفه جداً و بدون أى دهون و أقل سعرات حراريه ممكنه ، لن نستخدم أى ماده دهنيه ، و اللحم يكون خال من الدهن  ، و الشوربه المستخدمه تكون منزوعة الدسم ، أما الأرز فيكون أرز بسمتى لأنه أقل فى الماده النشويه ، و الخبز يكون أسمر ، جربوها بالطريقه دى طعمها حيعجبكم جدا و كمان صحيه و خفيفه و مناسبه لمرضى السمنه و السكر و الضغط ( مع تقليل الملح لمرضى الضغط و الإستغناء عن صلصة الطماطم أو إستعمال ملح البوتاسبوم بدلا من ملح الطعام ).

المقادير :

  قطع لحم مسلوقه بدون دهن – شوربة لحم بدون دهن – أرز بسمتى مسلوق فى الشوربه –  خبز أسمر بلدى- ثوم مفروم – ملح – فلفل – خل – ملعقة كبيره صلصه – نصف كوب عصير طماطم

 

الطريقه :

يقطع الخبز الأسمر البلدى قطع صغيره و يحمص فى الفرن ثم يوضع فى طبق التقديم و يصب عليه مقدار مناسب من الشوربه منزوعة الدسم و تكون ساخنه ، و حنعمل لها تقليه : ( يشوح مقدار 2 ملعقه كبيره من الثوم المفروم فى طاسه على النار بدون وضع أى دهون حتى يصفر لون الثوم ثم يضاف  خل و ملح و فلفل و تغلى دقيقتين ) ثم تضاف التقليه على الخبز المحمص المسقى بالشوربه .

ثم  نضع فوقه طبقه من الأرز المسلوق و يوضع عليه مقدار مناسب من الشوربه الساخنه و التقليه الثانيه و دى حنستخدم فيها الطماطم  ( يشوح الثوم حتى يصفر و يضاف خل و ملح و فلفل ونصف كوب  عصير طماطم و ملعقة صلصه و تغلى 5 دقائق على النار ) و تصب فوق طبقة الأرز و تزين بقطع اللحم و تقدم و بالهنا و الشفا . 

تحياتى م/ نجلاء يوسف

التعليقات

Share.

Leave A Reply