قراقيش الشوفان المالحه بالشمر و الكمون
المقادير :
كوب و نصف شوفان مطحون ناعم
كوب دقيق كامل الحبه أو دقيق أسمر
نصف ملعقه صغيره بيكنج باودر
ربع ملعقه صغيره ملح
ملعقتين كبار زيت زيتون
ملعقه صغيره شمر مطحون
ملعقه صغيره يانسون مطحون
ملعقتين كبار بودرة بصل
ملعقتين كبار بودرة ثوم
رشة كركم
رشة بابريكا
رشة بسيطه كمون مطحون أو صحيح
ماء للعجن
قليل من الشوفان المجروش للزينه على الوجه
الطريقه :
نضيف كل المقادير الجافه و نقلبهم مع بعض ثم نضيف الماء و نعجن لحد ما نلاقى العجينه لمت معانا و بقت طريه و مش ملزقه ، نرش الرخامه شوية شوفان مجروش ( خشن ) ونضع العجين و نرش على وش العجين شوية شوفان و نفرد بالنشابه ، نعملها على هيئة مستطيل كبير و نجعل سمكها رفيع ، ثم نقطعها مستطيلات صغيره و ترص فى الصاج و تدخل فرن هادى الحراره ( يعنى أقل من المتوسط ) علشان تقرمش من غير ما تتحرق ، بتاخد حوالى ثلث ساعه ، ثم نطلعها و نرصها فى طبق و نتركها تبرد تماما علشان تقرمش ، و بالهنا و الشفا
م/ نجلاء يوسف
