• العربية
  • English

لانشون دجاج بيتى صحى جدا

0

 

لانشون دجاج بيتى صحى جدا

كل المواد متوفره فى البيت و بدون أى مواد حافظه و خطوات العمل حوالى ثلث ساعه
المقادير :
نصف كيلو صدور دجاج مخليه من الجلد و العظم و الدهن
6 بيضات
نصف كوب دقيق
5 قطع جبن مثلثات
نصف كوب زيت
بصله متوسطه
نصف رأس ثوم صغيره مفصص أو أقل
ملح – فلفل- نصف ملعقه صغيره حبهان مطحون – ملعقه صغيره بابريكا – ملعقه صغيره بهارات – ملعقه صغيره كارى – ملهقه كبيره بودرة بصل و يمكن الإستغناء عنها

الطريقه :
1- أول حاجه نفرم صدور الدجاج فرم ناعم جدا و نتركها جانبا
2- فى الخلاط نضع كل باقى المقادير و نخلطهم لحد ما يبقوا ناعمين جدا جدا
3- نبتدى نضيف الدجاج المفروم للخليط اللى في الخلاط شويه شويه و نخلط
4- نفضل نضربهم فى الخلاط علشان يبقى ناعم جدا
ملحوظه : لو الخلاط عندك ضعيف ممكن تخلطيهم فى كويكى أو محضرة الطعام أفضل .
5- نجيب بلاستيك راب و نضع الخليط (هو سائل شويه و كده صح ) نضعه على شكل اسطوانه و نلفه بسرعه علشان ما يخرجش من البلاستيك و نبرم البلاستيك عليه من الطرفين بحيث انه يبقى اسطوانى الشكل و نعقده من الجانبين كويس
6- نغلفه بالفويل بس لازم نلفه طبقات كتير علشان لا يفتح أثناء النضج و برضو نبرمه من الجانبين
7- نكون محضرين إناء كبير على النار فيه ماء يغلى يكفى لتغطيته
8- نضعه على نار متوسطه لمده لا تقل عن 45 دقيقه لضمان النضج من الداخل
9- نطلعه و نتركه يبرد
10- ثم نفك الأغلفه و يترك فى الثلاجه عدة ساعات قبل التقطيع
و بالهنا و الشفا
م/ نجلاء يوسف
ملحوظه : الكميه دى بتعمل اسطوانتين لانشون حجم وسط

التعليقات

Share.

Comments are closed.