جمبرى بصوص الكارى

 جمبرى بصوص الكارى 

المقادير :

نصف كيلو جمبرى مقشر و منظف – بصله صغيره مفرومه – ملعقه كبيره ثوم مفروم – نصف كوب فقط من عصير الطماطم – ملح –فلفل أسود – ملعقه صغيره زيت زيتون – ملعقه كبيره بودرة كارى – نصف كوب كزبره خضراء مقطعه – ليمون حسب الرغبه

( هذه الكميه تكفى 4 أشخاص )

الطريقه :

1-   نضع زيت الزيتون  فى إناء الطهى على النار و نضيف البصل المفروم ( لا تضعى زيت الزيتون يسخن بمفرده على النار و لكن ضيفى زيت الزيتون و أول ما يبدأ يدفى ضيفى البصل المفروم فوراً )

2-   نشوح البصل حتى يصفر

3-  نضيف الثوم المفروم و نشوح حتى يصبح لونه ذهبى

4-  نضيف بودرة الكارى و نشوح دقيقتين

5-  نضيف نصف كوب عصير الطماطم ( لا نزيد عن نصف كوب ) و نتركها تغلى دقيقتين حتى تتركز قليلاً .

6-  نضيف الجمبرى المنظف و رشة الفلفل الأسود ( نلاحظ أن السائل زاد ) و نتركه على نار عاليه دقيقتين ثم نهدى النار و نغطى الإناء

7-  نتركه ينضج حوالى ثلاث دقائق فقط لا غير .

8-  نضيف الكزبره الخضراء المقطعه و نقلب و نطفى النار و نغطى الإناء حتى تذبل الكزبره قليلاً

9-  يقدم ساخناً مع أرز سمك دايت و خضار سوتيه أو سلطه خضراء و بالهنا و الشفا

تحياتى م / نجلاء يوسف

التعليقات